Living By ASH

🍶 من اللذ الاشياء الي سويتها للحين ! الكرك النباتي ! 🍶من قريت عن مضار الحليب المركز الي يستخدمونه مع الكرك قطعته تماما ! نادر جدا ما اشربه ! 🍶من زمان جربت اسوي الكرك بس بحليب اللوز ما عجبني فما جربت مره ثانيه 🍶ومن فتره جربته بحليب الصويا !! النتيجه كانت خياليه !   🍶مب طبيعي كيف طعمة بالضبط نفس الكرك ! واستويت الحين اشربه الصبح حلو الشعور هههههه لني احاول اقطع القهوه   🍶اول تجربه مع الصويا سويتها بس بقرفه بعدين وحده من متابعاتي صورتلي وقالت انها ضافت هيل فسويت نفسها في المره الثانيه واستويت ادمان المكونات : حليب صويا شاي احمر هيل قرفة زعفران ( مب شيء اساسي ) طريقة التحضير : انا اقيس الكميه على البريق الشاي الي في الصورة، وهو يكفي تقريبا كوبين ونص نفي الكوب الي في الصوره ف المقادير على هذا الاساس نحط حليب الصويا على النار نضيف ملعقة صغيره من القرفه و الهيل للحليب نضيف ملعقه كبيره من الشاي الا...

هاذي الوصفه خذتها من حساب nausheenthevegan على الانستقرام ووايد حبيتها وقلت بشارككم فيها ! طعم البانكيك كان وايد لذيذ ! وكانه بانكيك عادي ! هو استخدم الطحين العادي انا استخدمتز طحين الارز الي خالي من الجلوتين ، وبعد استبدلت السكر بمحلي طبيعي بنحتاج : كوب  ونص  من الطحين ملعقتين صغار من backing powder  كوبين من حليب نباتي انا استخدمت الصويا ثلاث ملاعق سكر او محلي طبيعي كوب من التوت البري الطريقه : اخلط كل المكونات ونخليها في مقلاه الي ما تحتاج زيت .. ولو مب متوفر استخدموا المقلاه العاديه مع شويه زيت ونحط الخليط على المقلاه بالكميه الي تحبونها بعدين نضيف التوت البري عليها انتظروا لين تحمر   وبالعافية عليكم