غسولات الوجه الي واحبها ومتى وكيف استخدمها

حبيت اشارككم بالمنتجات الي احبها ودائما استخدمها اتمنى تستفيدون

بتكلم عن الغسولات من يسار الصوره لليمين

• غسول الرغوه من سكن فود 

💜ينفع استخدام يومي ليل ونهار
💜ينظف الويه بس ماينشفه , واحب انه يحتوي على احماض الفواكه الي زينه للوجه وتساعد على تجديد الخلايا
🏩 انا خذته من كوريا بس ممكن تلقونه مع التاجرات

• من نيتروجينا سكراب يومي

💜يستخدم مره في اليوم
💜وايد حلو واحسه يرطب البشره وينعمها وينظفها.. 
💜حلو استخدامه لازالة المكياج بعد لانه سكراب.. يعني مثلا استخدمي غسول الرغوه الصبح وهذا فليل.. مب شرط بس لإزالة المكياج
🏩 موجود في الصيدليات والجمعيات مثل كارفور

• سكراب يومي من كلارنس

💜استخدام يومي (ليل او نهار)

💜يجنن ريحته وايد حلوه احب استخدمه في النهار لنه منعش ريحته ليمون وما يجفف الوجه.

🏩 موجود في سيفورا

• سكراب من بوتس بزيت شجره الشاي

💜ينفع استخدام مره في اليوم

💜احب استخدمه يوم ويهي فيه جبوب,وايد فعال ويخففهم

🏩 موجود في صيدلية بوتس

• سكراب من ستيف

 💜استخدمه مره الى مرتين في السبوع لانه قوي

 💜وايد حلو يخلي ويهج ناااعم وينضف عدل..
 🏩 موجود في كارفور

• جهاز لونا لتنظيف الوجه

 💜انصحكم فيه!! وايد حلو وينظف الوجه عدل! انا استخدمه مره في اليوم، طبعا اكون حاطه غسول او سكراب قبل عقب امرر الجهاز على وجهي كامل لمده دقيقه

🏩 موجود في سيفورا