Living By ASH

🍞 هاي   السندويجه وايد احبها لانها لذيذه وسهلة التحضير 🍞تنفع تكون كوجبة غداء، افطار وعشاء ! المكونات : فاصولياء حمراء ( مثلجه او معلبة ) المثلج اصح سبانخ او خس ( على حسب الرغبة ) فطر توست قمح كامل ( او عادي ) القمح الكامل اصح طماطم كرزيه او عاديه صلصة طماطم ( للباستا او البيزا ) صلصة حاره ( على حسب الرغبة ) طريقة التحضير : نقطع الخصار لشرائح رفيعه نحط سبانخ كاول طبقه على التوست نحط الفاصولياء الحمراء وباقي الخضار نحط صلصة الطماطم و الصلصه الحاره نرجع نحط سبانخ ونحط الطبقة الاخيرة من التوست نحط التوست على مقلاه ساخنه ونضغط عليها او نستخدم ال griller مثل ما انا سويت 🍞رابط الصلصات الي استخدمها، كلها موجوده في الجمعيات  🍞 صلصة   طماطم: https://uae.souq.com/ae-en/sacla-arrabiatta-bio-190-gm-143000571/u/ 🍞 صلصة   حاره: http://www.woolworths.co.za/store/prod/Food/Food-Cupboard/Condiments-Sauces-Gravy/Condiments/...

📖من الكتب الرائعة والمفيدة بشكل خيالي! 📖طريقة طرح المواضيع في الكتاب جدا جميلة وتفتح النفس الانة الكتاب كلة صور ومعلومات نافعة جدا 📖بشكل عام هذا الكتاب يعطيكم بالتفصيل كيف تغيرون نظام اكلكم للصحي ! مع وصفات وجداول للاكل من غير المعلومات عن الاكل النافع والضار واوجة المقارنه بينهم 📖وايضا الكتاب فيه طرق علاج لبعض الامراض والاعراض مثل تساقط الشعر ، والام الدورة الشهريه عن طريق تغير نظام الاكل 📖الكتاب مترجم من اللغة الانجليزية 📖خذته من مكتبة محلية، اتوقع متوفر ايضا في المكاتب الكبيرة

📖كاتب الكتاب من الناس اللذين اعتبرهم قدوه لي في حياتي في من كل النواحي ! 📖في بداية الكتاب سيقول الكاتب سبب توجهه لوضيفتة الحاليه في مجال الصحة عن طريق نضام الحياه الصحيه 📖من الكتب الي احب قرائتها ، فيه وايد مواضيع حول الامراض الي بدئت تشيع في هذه الايام  مثل السرطانات وغيرها من الامراض القاتلة ويعطي الكاتب طرق للوقاية من هذه الامراض عن طريق نظام الحياة الصحية والاكل الصحي ! طريقة طرح المواضيع وايد حلوة ومفهومه اي احد ممكن يفهمها لانه بسطها لكن نفي الوقت شرحها بطريقه علمية 📖وفية معلومات علمية كثيره تناسب اللذين يريدون تغير نضام حياتهم للافضل 📖لا العلم لو الكتاب متوفر منه نسخة مترجمة 📖الكتاب متوفر في مكتبة kinokuniya 📖واتوقع موجود في المكتبات الكبيره بعد الانه كتاب مشهور

🌿من ‏اللذ العصائر التي يمكن تجربونها! 🌿‏ ‏غني بمضادات الأكسدة ‏التي تقينا من السرطان والفيتامينات ! بنحتاج: 🍌موزتين مستويات عليهم بقع بنيه... لانه اسهل المستوي هضمه اسهل وطعمه سكري اكثر! وفوائدة اكثر 🍇كوب صغير توت بري مثلج او طازج 🍓اربع إلى ست قطع من الفراولة 🌿سبانخ (على حسب الرغبه، انا حطيت الكميه مقبض اليد) طريقه حلوه لإدخال الورقيات في العصائر وطعمها نهائيا ما يبين حتى اللون مب اخضر.. وايد ينفع للاطفال الي ما يحبون الخصار 🥛حليب نباتي (استخدمت الصويا) ونخليهم في الخلاط! وبالعافية عليكم!

🍂 من فتره صورت على السناب برياني كينوا ووايد ناس سالوني عن الطريقة فقررت احط لكم الطريقه 🍂 تراها وايد سهله وبدون زيت وبدون تعب وما تاخذ منكم الا نص ساعه او 40 دقيقه بالكثير المكونات: 🍂 خصار على حسب ما تحبون انا احب: بطاطا كوسا فطر بروكلي(انا استخدم مثلج لانه يستوي اسرع, وعادي لو مب مثلج بس ينطبخ قبل) زهرة (مثلج) نص كوب صغير كينوا (يكفي لشخص)  فاصوليا حمرا(انا سوي كميه واجمدها) بهارات البرياني فلفل سود ملح بحر طريقة التحضير: تنطبخ البطاطا والكوسا في ماي (سلق)  اطبخ الكينوا مع ملعقتين من بهارات البرياني (لو كانت كميه الكينوا نص كوب احط كوب ونص ماي عليها) يوم ينطبخ كل شي نحط كل الخضار في جدر الكينوا ونخلطهم مع بعض لو كان جدر الكينوا مافيه ماي وتشربه كله نضيف كميه بسيطه من الماي (فنجان ونص) عشان باقي الخضار تاخذ نكه البهار نضيف الفلفل الاسود والملح على حسب رغبتكم يوم الماي يتشرب كله يعني خلاص نحط الاكل في الصحن اتمنى الوصفه تعجبكم ! عطوني رايكم  💞

🥝 مثل ما شفتوا على حساباتي في سناب وانستقرام.. اني مسوية اليوم صيام العصائر الخضراء للديتوكس لهذه العصائر بتحتاجون عصاره ! 🥝 وعلى فكرة طعمهم حلو ! يعني انا كنت متوقعة يكون الطعم شي ثاني بس الحمدلله عجبوني وايد! 🥝 اول عصير : (طعمة حلو سويت) حبتين خيار تفاحتين كيوي سبانخ بقدونس  قطعة زنجبيل صغيرة جدا 🥝 ثاني عصير: (حامض) حبة خيار تفاحتين خضر كيوي  ليمونه خضراء كامله سبانخ بقدونس نعناع فلفل بارد (لو حابين تدخلون بقوه! اختياري) لو ماتبونه استبدلوه بحبه خيار ثانيه قطعة زنجبيل صغيرة جدا 🥝 بعد العصر اخلطوهم بعدين اشربوهه!  🥝 لا تخلونه فترات طويله في الثلاجه الانه بيفقد قيمه الغذائيه! قولولي رأيكم!

🌶️جربت البهارات اليومية من ماركة  Spinny's food والصراحه ريحتهم تهبل ويعطون نكهه لذيذه للاكل ! 🌶️هي خليط من ملح البحر وبودره الكزبره والثوم وغيرها من البهارات ! انصحكم فيها وايد ! 🌶️انا احب احطها على كل الشي الصراحه .. بطاطا مسلوله .. سلطه .. شوربه .. فوق العيش او الكينوا !! تنفع مع كل شيء! 🌶️وجربت الملح الزهري بعد وحبيته .. نفس ملح البحر .. كلهم موجودين في جمعية Spinny's ! من الاسم يبين انه ماركتهم !! قولولي رايكم لو جربتوهم !

🌺 من فتره استخدم هذا التونر مرتين في اليوم بعد ما اغسل ويهي بالغسول .. وبعده ارطب بشرتي  🌺 ابدا ما يحرق البشرة، واحس من بعده بشرتي تغيرت بشكل اجابي وايد ، وحسيت ينظف الويه وبعد 🌺 حسيت انه فتح لوني ووحد لون بشرتي  لنه يخوز خلايا الجلد الميته.  🌺  استخدمه بعد ما احلق شعر ويهي بالشفره لنه ما يسمح للحبوب انها تطلع ويصغر مسامات الوجه - موجود في كارفور بسعر اقل عن ١٠ دراهم

كريم العين من ماركه مسزون، وايد حبيته لنه ترطيبه لمنطقه تحت العين رهيبه،  شوي خفف لي السواد بس مب بشكل كبير والسبب الرئيسي لستخدامي له هو الترطيب .. وحبيت ترطيبة وايد ومن بديت ارطب منطقه العين حسيت انه رموشي طولت شوي ،، ماعرف لو الترطيب له علاقه بالرموش ولالا بس طبعا ما اقول لا! كلنا نبا رموشنا تطول! موجود في : iherb https://ae.iherb.com/pr/Mizon-Snail-Repair-Eye-Cream-0-84-oz-25-ml/71607 cultbeauty https://www.cultbeauty.co.uk/mizon-snail-repair-eye-cream.html

💚 وايد تجيني اسئلة عن البروتين الي استخدمه.. هذا البروتين من ماركة Orgain عضوي, وغير معدل واثيا ! 💚 يمكن للامهات يستخدمونه وبعد الاطفال(بعد قرآئة التعليمات), والرياضين والغير رياضين  و الي حابين ينقصون وزن  .. يعني اي حد ممكن يستخدمه! (مكتوب عليه) 💚 اهم شي عندي المكونات وكلها حلوه وما تخوف نهائيا ! لان البروتين ماخوذ من مصادر عضوية ونباتيه مثل الكينوا وفي غيره بعد... 💚 المشكلة في اغلب بودرات البروتين انه طعمهم مش حلو ! بس هذا النوع لذيذ ! (الفانيليا) 💚 احب احط منه مع حبة موز ومرات فراولة واي حليب نباتي واخليهم في الخلاط ! 💚 انا طلبتة من موقع iherb بحط لكم اللنك : https://ae.iherb.com/pr/Orgain-Organic-Protein-Powder-Plant-Based-Vanilla-Bean-2-03-lbs-920-g/69269 على فكره هم غيروا شكل المنتج الخارجي من فتره فلا تخافون المنتج نفسه!

🌼 هذا الشاي المثلج من ماركه ناي.. طعمهم وايد لذيذ مكوناته جودتها عليه وطبيعيه !! واهم شي ان المكونات غير معدلة وراثيا ! 🌼 في منه ثلاث نكهات .. انا جربت الي في الصوره وحبيتها .. وبعد جربت الي بالخوخ و المانجو والياسمين وحبيته وايد بعد!! 🌼 انا بادية استبدل القهوه بالشاي وهذا المنتج يشجع الواحد يشرب شاي مبرد اكثر !! ويكون اصح عن غيره من ماركات الشاي المبردة! 🌼 حصلتة في سبنس و بعد موجود في Circle K والي جربوه !! خبروني عن رأيكم !

من العصائر الصحية واللذيذه! الكمونات:  تفاحة  كمثرة  ربع حبة شمندر  قريب فروت (نفس البرتقال بس احمر من داخل) 

من العصائر الي مكوناتها دائما في البيت وصحي ولذيذ المكونات: برتقالة  تفاحة خضرا  نص ليمونة ربع برتقالة بالعافية عليكم!

من اللذ واسهل وجبات الافطار الي ممكن تسونها ! حلوه حق الي يروحون دوام او للناس الكسولين نفسي😂  انا احب الشي السريع واللذيذ نفس الوقت.. ومثل ما شفتوا كل وصفاتي سهله ولذيذه وسريعة!! المكونات: بطاطا مسلوقه  طماطم كرزية  توست القمح الكامل (اختاره الانه اصح.. بس اختاروا النوع على حسب رغبتكم)  فطر  فلفل حلو (انا استخدمت الاصفر لاني احبه اكثر) مقطع قطع صغيره  بهارات يوميه (من ماركه سبنس)  ملح الهملايا (او البحر الانهم اصح.. ولا المكرر على حسب رغبتكم)  طريقة التحضير: نهرس البطاطا نحط الملح  اضيف البطاطا واخلط لين يتوزع  احط الخليط على الخبز   اضيف البهارات الطماطم والفطر  اتمنى تعجبكم الوصفة بالعافية عليكم!

هذا السموذي جدا مفيد للكبد... الصراحه يوم  اشربه اقول هذا هديه لكبدي لوجود فاكهه القريب فرور (نفس البرتقال بس احمر من داخل) المكونات: جريب فروت برتقاله كبيره ربع ليمونه ربع شمندره قولوي رأيكم !

هذا السموذي وايد احبه لانه يحتوي على وايد فواكه واهم شي انه فيه سبانخ المكونات: فراوله تفاح اخضر اناناس سبانخ  كل المقادير تكون على حسب رغبتكم .. بس نصيحه تفاحه وحده يكفي مب اكثر (لو لشخص واحد) خبروني لو جربتوه!

وايد احب احط الشمندر في العصاير الي اسويها لفوائده العديده! هذا السموذي بيحتاج نص شمدره (او اقل على حسب رغبتكم ممكن تبدو ب ربع حبه لين تتعدون) عصير برتقال اناناس قولولي رأيكم عنه !!