Living By ASH

🍵انا من الناس الي يحبون شاي الاعشاب.. واحاول قد ما اقدر اني استبدله بالقهوه لانه الشاي له فوائد اكثر 🍵من ماركات شاي الاعشاب الي خلتني ما اخذ غيرها هيه ماركه yogi شايهم لذيذ وكل شاي يكتبون لكم شو فوائده 🍵احب شايهم لانه في اشياء لكل حد .. في لتقويه الجهاز العضمي و المناعي.. في ببعد شاي للديتوكس.. وشاي للامهات المرضعات.. وبعد في انواع شاي للي تنفع البشره مثل الي في الصوره .. 🍵واحلى شي فيهم انهم عضويات ومافيهم مواد حافضه و ومافيهم اعشاب معدله وراثيا !! 🍵واسعارهم جدا معقوله 🌿موجوده في كارفور بس مب كل الانواع 🌿موجوده في محلات organic and natural بعد مب كل الانواع 🌿موجوده في موقع iherb كل الانواع : https://ae.iherb.com/search?kw=yogi شارونا تجاربكم مع الشاي واي نوع تحبون اكثر؟

🥄هاي الخميرة الغذائيه استخدمها مع الاكل مثلا فوق البطاطا او اي شي انتوا تحبونه 🥄طعمها مثل الجبن بس هاذي تعتبر صحييه ولها فوائد صحيه بعد (تحتوي على نسبة عالية من b12) 🥄وهذا النوع الي استخدمه غير معدل وراثيا عشان جي اخذه 🥄 موجود في موقع iherb: https://ae.iherb.com/pr/KAL-Nutritional-Yeast-Flakes-3-1-oz-90-g/78415 🥄انصحكم تجربونها 🥄ولو جربتوها شارونا تجاربكم!

🍜هاي الطبخة من الطبخات اللذيذه والسهله (انا كل طبخاتي سهله لاني عيازه😂 ) وتحضيرها ما ياخذ وقت ونفس الوقت صحيه ! 🍜طبخت كل شي بدون زيت.. لانه اصح ولانه مابا تعلق فيني ريحه المطبخ 🍜انا اخترت نودلز الارز (العيش) لانها وايد خفيفه وما تاخذ وقت لين تستوي (متوفره في الكارفوروفي وايد انواع) المكونات: نودلز (الارز)  ممكن تستخدمون اي نوع تحبونه مجموعة خضار تحبونها انا استخدمت: جزر بصل طماطم زهره فاصوليا صلصة الصويا ملح بحر بودره الكزبره (اختياري) بديل الماجي الصحي من ماركه(kallo)متوفر في سبنس.. او الماجي على كيفكم  طريقة التحضير: نطبخ نودلز الارز في ماي مع رشة ملح لمده 10 دقائق.. طبعا يفرق على اي نوع نودلز راح تستخدمون في مقلاه نحط صغير كوب ماي (الي استبدلته بالزيت لطبخ الخضار) واحط كل الخضار معاه يوم يبدا الماي يغلي احط نص حبه من بديل الماجي واحركها لين تذوب (ولو تبخر الماي نتم نضيف شوي) يوم تنطبخ كل الخضار وتكون لينه (بأي درجه انتوا تحبونها) نضيف للمقلاه النودلز نتم نحرك كل شي مع بعض (نضيف ماي شوي لو حسينا شي بدا يحترق) نضيف صلصه ...

💄احب استخدم المرطب من سيفورا، ترطيبه وايد حلو!  👄حلو يوم تكونون البيت او في الليل حلو.. وفي نفسه الوردي بالتوت يجنن في الصباح يعطي لون صحي للشفايف ويرطب... - 💄المرطب سيرا بير مرطب حلو،، واحبه لانه وعضوي ، ينفع استخدامه اي اي وقت  💄مرطب كارميكس احب استخدمه في البيت وقبل النوم، بس هو يحرق شوي بس بشكل ما يضايق.. وترطيبه وايد حلو

حبيت اشارككم بالمنتجات الي احبها ودائما استخدمها اتمنى تستفيدون بتكلم عن الغسولات من يسار الصوره لليمين غسول الرغوه من سكن فود  💜ينفع استخدام يومي ليل ونهار 💜ينظف الويه بس ماينشفه ,  واحب انه يحتوي على احماض الفواكه الي زينه للوجه وتساعد على تجديد الخلايا 🏩 انا خذته من كوريا بس ممكن تلقونه مع التاجرات من نيتروجينا سكراب يومي 💜يستخدم مره في اليوم 💜وايد حلو واحسه يرطب البشره وينعمها وينظفها..  💜 حلو استخدامه لازالة المكياج بعد لانه سكراب.. يعني مثلا استخدمي غسول الرغوه الصبح وهذا فليل.. مب شرط بس لإزالة المكياج 🏩 موجود في الصيدليات والجمعيات مثل كارفور سكراب يومي من كلارنس 💜استخدام يومي (ليل او نهار) 💜يجنن ريحته وايد حلوه احب استخدمه في النهار لنه منعش ريحته ليمون وما يجفف الوجه. 🏩 موجود في سيفورا سكراب من بوتس بزيت شجره الشاي 💜ينفع استخدام مره في اليوم 💜احب استخدمه يوم ويهي فيه جبوب,وايد فعال ويخففهم 🏩 موجود في صيدلية بوتس سكراب من ستيف  💜استخدمه مره الى مرتين في السبوع لانه قوي  💜وا...

🌱  الكركم له وايد فوائد للجسم فهو يقوي المناعه ويحتوي على مضادات الاكسده التي تقينا من امراض السرطان. 🌱  الكينوا تعتبر مصدر للبروتين النباتي الي يحتوي على جميع الاحماض الامينيه, وبعد غنيه بالمعادن مثل المغنيسوم والبوتاسيوم الخ... الطبق يكفي شخص الى شخصين، زيدوا المقادير لو تريدون كميات اكثر  المكونات: نص كوب صغير كينوا بيضاء مطبوخه ملعقه صغيرة كركم نص فلفله حلوه (احمر او اصفر على حسب الرغبه) بقدونس اوراق النعناع ملح يفضل يكون ملح البحر ام ملح الهامالايا زيت زيتون ملعقه صغيره كركم ليمونه حبتين جوز (عين الجمل) طريقه التحضير: خلط الكينويا و البقدونس والنعناع و الفلل الحلو اضافه الملح والزيت زيتون و الكركم وعصر عصر ليمونه على السلطه كسر الجوز قطع متوسطه ونثرها على السلطه

ايهما يحتوي على نسبة اوميقا ٣ اكبر؟ 🌱 الكل يعرف انه بذور الشيا مصدر للomega-3، في دراسة سوها على ناس، وخلومهم ياكلون ملعقتين من بذور الشيا لمده شهر كامل، مستوى الاوميقا٣ في اجسامهم ما تغير عما كان. 🌱 وبعد الدراسة ركزت على الوزن، بما انه وايد ناس يحسبون انها تنزل الوزن، ف الناس الي كلو بذور الشيا لمده شهر ما تغير وزنهم 🌱 بذور الشيا تحتوي على نسبة كبيره من الالياف مما يجعلها مفيده.  🍃 ونفس الدراسه سوها بس استخدموا بذور الكتان، خذوا ملعقتين منها لمده شهر وبين ارتفاع في نسبه الاوميقا٣ في جسمهم 🍃وغيرها انه بذور الكتان تحمي الجسم من امراض السرطان وبعد تساعد على العلاج من السرطان  🏆 فلو تبون مصدر قوي للأوميقا ٣ عليكم ببذور الكتان

من اللذ السلطات الي ممكن تسونها في البيت، وايد لذيذة وصحييه! وايد انصحكم فيها!!  اعطيها خمس نجوم ✨  المكونات: خيار خس  جرجير طماط زيتون بطاطا مسلوقة كينوا مطبوخة الصلصة: خل زيت زيتون ملح طماطه مع شويه ثوم لا تحطون وايد!(على حسب الكميه لو اكثر عن شخص طماطه كامله لو اقل نص)  ونخلط في الخلاط!  قطعوا الخصار وجهزوا كل شي بعدين ضيفوا مكوانات الصلصه للسلطه! بالعافيه عليكم

هاي الوصفه مناسبه لمحبي الشوكلاه بس بعد يبون ياكلون شي صحي ولذيذ نفس الوقت.. الصراحه يوم سويتها كنت اخبص من راسي بس النتيجه طلعت وايد حلوهو وفي البيت وايد حبوها حتى الاطفال! المكونات: تمر (ينقع في الماء في الليل) ثم نزيل القشر والنواة بودرة الكاكاو الخام 100% بدون اضافات شوفان عضوي بذور الكتان وبذور الشيا (اختياري) جوز الهند المجفف والمبشور طريقة التحضير: نخلي التمر في محضر الطعام، ونضيف له الشوفان كل مره نحط شوي ونوقف خلط نشوف القوام. ونتم نضيف لين نوصل للقوام المطلوب.. الي ممكن يتشكل نضيف الكاكاو (على حسب الرغبه) انا شخصيا خليت ٥ ملاعق ونص كبار من الكاكاو لاني احب يكون طعمه قوي.. نضيف بذور الكتان والشيا  آخر شيء ناخذ العجينه ونكورها كور صغار  نغطي الكور ببودرة الكاكاو او جوز الهند.. او اي شي ثاني

الخلاطه وايد حلوه وقويه! وايد حبيت استخدامها وتنفع للي يسون عصاير وايد، والحلو انه تقدون تستخدمون الكوب لشرب العصير الي سويتوه لانه موفرين الغطاء ➰ تكسر الثلج  ➰ وترستها لين اخر شي وقدرت تخلط كل شي فيها بصوره ممتازه ➰ كملت اربع شهوراستخدمها بشكل يومي تقريبا ونفس ما هي ! ➰ تنظيفها وايد سهل حطوا ماي وصابون فيها واخلطوا   الخلاط من موقع سوق ، الامارات

  بما انه فصل الشتاء من العادات الي نسويها هي الشوي، فمجعتلكم الخضار الي تصير لذيذه مع الشوي، مع صلصه تخلي طعمهم لذيذ.. - المكونات: ‏‎زهره، بطاطا، بصل، كوسه، ذره ‏‎طماط.. تقدرون تحطون فطر بس نسيت اشتريه، وبعد تقدرون تحطون كل انواع الفلفل البارد (الاخضر، الاصفر، البرتقالي) يطلعون لذيذات بعد الشوي - الصلصه: نعصر ليمونتين، زيت زيتون، ثوم مفروم، ببريكا، فلفل اسود، بهارات الكباب، ملحح،، زنجبيل(اختياري)... نحطه على الخصار لمده ٣٠ دقيقه عشان يتشربه -  وعقب تحطون الخضار على الصيخ.. يفضل تخلونهم في الماي قبل الاستخدام لمده ساعه عشان مايحترق الخشب.. والي يبقا من الصلصه نمسح فيه الخضار وقت الشوي

هاي الوجبة تنفع للافطار( الريوق ) والمكونات الي حطيتها فيه عطتها نكة عربيه. - طريقة التحضير: شوفان او قرنولا على حسب الرغبة ، نسخن اي نوع حليب نباتي ( انا استخدمت حليب اللوز )  يوم يدفا احط الحليب على الشوفان واخليه ٥ دقايق لين ما يتماسك شوي واخر شي اضيف له : الحبة السودا ( حبة البركه) ، دبس التمر، وعنب مجفف، ومكسرات على حسب الرغبه( انا حطيت لوز مبشور مع بذور اليقطين وبذور عباد الشمس) ونخلط كل شيء ! -